چاغان ھارپىسىدا ئوتتۇرا - تۆۋەن كىرىملىك ئاھالىلەرنىڭ قوي گۆشىگە بولغان ئېھتىياجىنى قاندۇرۇش ئۈچۈن، 1 - ئاينىڭ 16 - كۈنىدىن باشلاپ ئاپتونوم رايونلۇق سودا نازارىتى خوتەن شەھىرى، قاراقاش، لوپ ناھىيە بازارلىرىغا ئاپتونوم رايوننىڭ يەرلىك زاپاس قوي گۆشىنى سالدى.
　　بۇ قېتىم ھۆكۈمەت قوي گۆشىنى بازارغا سېلىشتا «خەلق تۇرمۇشىغا كۆڭۈل بۆلۈش، تەمىنلەشكە كاپالەتلىك قىلىش» نى چىقىش قىلغان بولۇپ، گۆشنى زاپاس ساقلايدىغان كارخانىلار ئۈچ ناھىيە - شەھەردە بىۋاسىتە سېتىش نۇقتىسى تەسىس قىلدى. بازارغا سېلىنىدىغان ھەربىر كىلوگرام قوي گۆشىنىڭ باھاسى 44 يۈەن بولۇپ، بازار باھاسىدىن ئالتە يۈەندىن سەككىز يۈەنگىچە ئەرزان.
　　ۋىلايەتلىك سودا ئىدارىسىنىڭ ئالاقىدار مەسئۇلىنىڭ تونۇشتۇرۇشىچە، يەرلىك زاپاس گۆش كاپالەت سىستېمىسىنى بەرپا قىلىش ۋە مۇكەممەللەشتۈرۈش مال باھاسىنى مۇقىملاشتۇرۇش، ئوتتۇرا - تۆۋەن كىرىملىك ئاھالىلەرنىڭ گۆشكە بولغان ئېھتىياجىنى قاندۇرۇشتا پائال رول ئوينايدىكەن.