ۋاڭ جىڭچيەن
　　مەغپىرەت ئوسمان تەرجىمىسى
　　كەلگەندە شۇم خەۋەر تۈن نىسپىدە،
　　ھەسرەتتىن يىغلىدىم، ئېزىلدى يۈرەك.
　　ساداقەت بابىدىن دوستقا ئاتىغان،
　　بار ئىدى قەلىبدە مىڭلارچە تىلەك.
　　
　　كېزەتتى ھەر زامان يېزا - قىشلاقنى،
　　ئۈمىدى دېھقانغا ئۇچۇر يەتكۈزۈش.
　　ئۇنىڭ ماڭغان ھەر بىر قەدەملىرىدىن،
　　تەس ئەمەس گۈزەل بىر داستاننى پۈتۈش.
　　
　　جاپانى تارتسىمۇ ۋايسىمىدى ئۇ،
　　بولغاچقا قەلبىدە ۋەتەن سۆيگۈسى.
　　تىكلىدى ئابىدە ھەممە جايلاردا،
　　ھەقىقەت جارچىسىنىڭ بوپ ئۈلگىسى،
　　
　　ئۆزىنى ئۇنتۇپ كۆپ قان - تەر ئاققۇزۇپ،
　　ئۆتكەنتى ھاياتى مۇنبەرگە چىقىپ،
　　كەلدى بۇ شۇم خەۋەر ماڭا قاياقتىن؟!
　　ئۆرتەندى بۇ يۈرەك نادامەت چېكىپ.